Polisi preifatrwydd

Mae’r hysbysiad preifatrwydd hwn yn berthnasol i Hunanadeiladu Cymru, un o is-gwmnïau Banc Datblygu Cymru. Pryd bynnag y defnyddir y termau ‘HC’, ‘ni’, ‘ninnau’ neu ‘ein’ yn yr hysbysiad hwn, mae’n golygu Hunanadeiladu Cymru.

Am ein rhestr lawn o ddogfennau preifatrwydd cliciwch yma.

Dysgwch fwy am ein strwythur llywodraethu ar ein tudalen llywodraethu.

Ein hegwyddorion

Rydym yn cymryd eich preifatrwydd o ddifrif ac rydym wedi ymrwymo i ddiogelu eich gwybodaeth bersonol. Mae hyn yn golygu:

• Byddwn ddim ond yn gofyn i chi roi eich gwybodaeth bersonol i ni sy'n ein helpu ni i'ch helpu chi.
• Byddwn yn cadw eich gwybodaeth bersonol yn ddiogel ac yn gyfrifol. Rydym yn defnyddio mesurau diogelu gan gynnwys amgryptio electronig, i atal mynediad heb awdurdod i'ch gwybodaeth bersonol.
• Byddwn ond yn rhannu eich gwybodaeth bersonol â chwmnïau eraill yn y Grŵp BDC, gyda chyflenwyr sy'n perfformio gwasanaethau ar ein rhan, ac fel y nodir fel arall yn yr hysbysiad hwn.
• Ni fyddwn byth yn gwerthu eich gwybodaeth bersonol.

Pam rydym yn casglu ac yn defnyddio eich gwybodaeth bersonol

Byddwn yn casglu ac yn defnyddio gwybodaeth bersonol amdanoch am y rhesymau canlynol:

1.     Mewn cysylltiad â'n cynnyrch benthyciad.

2.     Oherwydd yr hoffech i ni gysylltu â chi mewn ymateb i ymholiad penodol.

3.     Er mwyn eich hysbysu am ein cynnyrch a'n gwasanaethau.

4.     Mewn cysylltiad â'r cynhyrchion neu'r gwasanaethau rydych chi'n eu darparu i ni.

Mae’n bosibl y byddwn yn cysylltu â chi drwy gyfryngau megis post, ffôn, e-bost, negeseuon testun neu ddulliau digidol eraill o gyfathrebu. Gallwn anfon cyfathrebiadau at ddibenion:

• Cynnal rheolaeth barhaus o fenthyciadau datblygu hunan-adeiladu rydym wedi'u darparu i chi.
• Bodloni ein rhwymedigaethau rheoleiddio.
• Rhoi gwybod i chi am ein cynnyrch a'n gwasanaethau, gan gynnwys marchnata, os gwnaethoch ddewis hyn ar eich cais. Os gwnaethoch optio i mewn ar y ffurflenni cais, gallwch optio allan o hyn ar unrhyw adeg drwy ebostio [email protected] neu glicio ar yr opsiwn ‘dad-danysgrifio’ yn unrhyw un o’n e-byst marchnata.

Mae rhagor o wybodaeth am sut rydym yn defnyddio’ch gwybodaeth mewn cysylltiad â phob un o’r dibenion hyn i’w gweld isod. Mae'r wefan hon hefyd yn defnyddio cwcis, a cheir rhagor o fanylion amdanynt yn ein polisi cwcis.

Gweler hefyd polisi cwcis llyw.cymru.

1. Defnyddio eich gwybodaeth bersonol mewn cysylltiad â'n benthyciadau

Pam fod angen i Hunanadeiladu Cymru ddefnyddio fy ngwybodaeth bersonol?

Os gwnewch gais i Hunanadeiladu Cymru am fenthyciad, bydd angen i chi roi gwybodaeth i ni amdanoch chi'ch hun. Mae hyn er mwyn i ni allu penderfynu a ydych yn gymwys i gael benthyciad. Os bydd eich cais yn llwyddiannus, byddwn yn parhau i ddefnyddio'ch gwybodaeth fel rhan o'n rheolaeth barhaus o'n benthyciad ni i chi.

Efallai y byddwn hefyd yn defnyddio gwybodaeth bersonol amdanoch a ddarperir gan eraill i lywio ein penderfyniadau benthyciad. Er enghraifft, os ydych chi'n gysylltiedig yn ariannol ag ymgeisydd, yna bydd angen i ni gasglu gwybodaeth bersonol amdanoch chi'ch dau.

Pa wybodaeth sydd angen i mi ei darparu i Hunanadeiladu Cymru?

Bydd yr union wybodaeth sydd ei hangen arnom yn cael ei nodi ar y ffurflenni cais eu hunain. Bydd yn cynnwys gwybodaeth sylfaenol amdanoch chi, fel eich enw, cyfeiriad a dyddiad geni. Byddwn hefyd yn gofyn i chi ddarparu gwybodaeth am eich sefyllfa ariannol.

Os byddwn yn penderfynu cynnig benthyciad, byddwn yn gofyn i chi lenwi ffurflen monitro amrywiaeth. Bydd unrhyw wybodaeth a roddwch i ni ar y ffurflen hon ond yn cael ei defnyddio i'n helpu i fonitro a ydym yn cyflawni cyfle cyfartal gwirioneddol wrth ddarparu ein gwasanaethau. Ni fydd yn cael ei ddefnyddio i wneud penderfyniadau sy’n effeithio arnoch chi.

Beth mae Hunanadeiladu Cymru yn ei wneud gyda fy ngwybodaeth?

Pan fyddwch yn darparu eich gwybodaeth i ni neu pan gaiff ei darparu gan eraill fel rhan o gais, byddwn yn ei defnyddio er mwyn asesu’r cais ac i wneud penderfyniad ynghylch a ddylid darparu’r benthyciad ai peidio. Yna byddwn yn defnyddio'ch gwybodaeth fel rhan o'n rheolaeth barhaus o'r benthyciad, datblygiad eich eiddo ac i hwyluso eich trafodiad eiddo. Gall ein defnydd o’ch gwybodaeth gynnwys:

• Chwilio amdanoch mewn asiantaethau gwirio credyd. Bydd yr asiantaethau hyn yn rhoi gwybodaeth credyd i ni yn ogystal â gwybodaeth o'r gofrestr etholiadol a byddant yn cofnodi manylion unrhyw chwiliadau p'un a fydd eich cais yn mynd yn ei flaen ai peidio. Gallwch gael rhagor o wybodaeth am sut mae asiantaethau cyfeirio credyd ac asiantaethau atal twyll yn defnyddio'ch gwybodaeth trwy ddarllen Hysbysiad Gwybodaeth yr Asiantaeth Cyfeirio Credyd (“CRAIN”). Mae’r ddogfen hon yn disgrifio sut mae’r tair prif asiantaeth gwirio credyd yn defnyddio ac yn rhannu data personol. Gellir cyrchu'r CRAIN yma.
• Chwilio am gredyd, olrhain dyledion a rheolaeth barhaus unrhyw gyllid y gallwn ei ddarparu i chi.
• Sgorio credyd, i benderfynu a ydych yn addas ar gyfer y cynnyrch neu'r gwasanaeth perthnasol.
• Canfod ac atal twyll. Mae’n bosibl y byddwn yn rhannu eich gwybodaeth ag asiantaethau atal twyll fel yr Asiantaeth Troseddu Cenedlaethol, at y diben hwn.
• Rhannu eich gwybodaeth ag awdurdodau lleol, cymdeithasau tai a / neu dirfeddianwyr preifat er mwyn neilltuo llain / plot o dir a ddefnyddir ar gyfer datblygu eich eiddo. Gall hyn fod yn unol â'ch gofynion penodol a'u gofynion penodol.
• Rhannu eich gwybodaeth gyda chyfreithwyr mewn perthynas â phrynu tir yn ogystal â chyflawni ffurfioldebau cyfreithiol eraill mewn cysylltiad â’ch trafodiad eiddo.
• Rhannu eich gwybodaeth ag adeiladwyr er mwyn datblygu eich eiddo ar y plot o dir a brynwyd. Gall hyn fod yn unol â'ch gofynion penodol.
• Defnyddio eich gwybodaeth yn unol â Thelerau ac Amodau’r benthyciad.

Beth yw'r sail gyfreithiol dros ddefnyddio fy ngwybodaeth?

O dan gyfraith diogelu data, rhaid i ni gael sail gyfreithiol ddilys ar gyfer casglu a defnyddio eich gwybodaeth bersonol. Pan fyddwch yn gwneud cais am fenthyciad gyda ni, gall y seiliau cyfreithiol canlynol fod yn berthnasol:

Perfformiad Contract

Mae eich cais yn gais i ni ymrwymo i gontract gyda chi. Caniateir i ni ddefnyddio’ch gwybodaeth bersonol lle mae’n angenrheidiol i ni wneud hynny er mwyn cyflawni camau cyn-gontractio, i ymrwymo i gontract gyda chi, ac i gyflawni contract sydd gennym yn ei le.

Rhwymedigaeth Gyfreithiol

Caniateir i ni ddefnyddio eich gwybodaeth bersonol lle bo angen er mwyn i ni gydymffurfio â’n rhwymedigaethau cyfreithiol.

Rydym yn ddarostyngedig i rwymedigaethau cyfreithiol amrywiol pryd bynnag y byddwn yn ystyried ceisiadau am fenthyciad, gan gynnwys deddfwriaeth gwrth-wyngalchu arian a gofynion yr Awdurdod Ymddygiad Ariannol.

Buddiannau Cyfreithlon

Caniateir i ni ddefnyddio eich gwybodaeth bersonol lle bo hynny’n angenrheidiol ar gyfer ein buddiannau cyfreithlon, ar yr amod nad yw ein buddiannau yn cael eu diystyru gan eich buddiannau chi.

Lle rydych wedi gwneud cais am fenthyciad gyda ni, neu yn gwsmer presennol, rydym yn prosesu eich gwybodaeth bersonol am y rhesymau canlynol o dan ein buddiannau cyfreithlon:

• Cynnal gwiriadau priodol ar ddarpar gwsmeriaid,
• Sicrhau ad-daliad benthyciadau i ni.
• Asesu cydymffurfiaeth â pholisïau a thelerau ac amodau’r cynllun,
• Rheoli datblygiad eich eiddo a'ch trafodiad eiddo.
• Cynnal dilysiad priodol o ddata eiddo a gedwir gennym ni (a ddarparwyd gennych chi) gyda data eiddo a gedwir gan Gofrestrfa Tir EM.
• Ymchwilio a rheoli ymholiadau a chwynion, gan gynnwys dadansoddi ymholiadau a chwynion at ddibenion atal methiannau a chywiro effeithiau negyddol ar gwsmeriaid.
• Ystyried anghenion lles cwsmeriaid, gan gynnwys darparu unrhyw addasiadau, cymorth neu amddiffyniad y mae angen eu rhoi ar waith.
• Atal ac ymchwilio i dwyll, gwyngalchu arian a chamymddwyn ariannol arall.
• Datblygu a gwella ein cynnyrch a'n gwasanaethau, gan gynnwys cynnal arolygon cwsmeriaid ac ymchwil.
• Sicrhau parhad busnes, adfer ar ôl trychineb a diogelwch rhwydwaith a gwybodaeth.

Sail Gyfreithiol ar gyfer Prosesu Data Categori Arbennig

Mae cyfreithiau Diogelu Data yn trin rhai mathau o wybodaeth bersonol fel rhai arbennig o sensitif. Gelwir y wybodaeth hon yn 'Ddata Categori Arbennig'. Ni fyddwn yn casglu nac yn defnyddio’r mathau hyn o ddata heb eich caniatâd oni bai bod y gyfraith yn caniatáu i ni wneud hynny. Os gwnawn hynny, dim ond o dan un o’r seiliau cyfreithiol canlynol y bydd:

• Am resymau budd cyhoeddus sylweddol; neu
• Mae gennym eich caniatâd penodol i wneud hynny; neu
• Er mwyn sefydlu, arfer neu amddiffyn hawliadau cyfreithiol.

Am ba mor hir mae Hunanadeiladu Cymru yn cadw fy ngwybodaeth?

Os bydd eich cais yn llwyddiannus, byddwn yn cadw eich gwybodaeth bersonol am o leiaf hyd eich contract gyda ni, ac wedi hynny am gyfnod o 12 mlynedd. Mae hyn er mwyn sicrhau bod gennym gofnod llawn o'r contract rhyngom, os bydd unrhyw anghydfod ynghylch y contract.

Os bydd eich cais yn aflwyddiannus neu’n cael ei dynnu’n ôl, byddwn yn cadw ac yn dinistrio eich data personol yn unol â’n hamserlen cadw data.

Mae’n bosibl y byddwn yn cadw’ch gwybodaeth am gyfnod hwy lle mae’n angenrheidiol i gydymffurfio â’n rhwymedigaethau cyfreithiol, i arfer hawliau cyfreithiol, i gydymffurfio â Thelerau ac Amodau’r gronfa neu i amddiffyn hawliadau cyfreithiol.

Mae gennym gyfnod cadw o 2 flynedd mewn perthynas â gohebiaeth e-bost. Os bydd angen i ni gadw eich e-byst am gyfnod hwy na’r hyn a nodir, byddwn yn gwneud hynny naill ai i gadw at y gyfraith, os oes hawliadau neu gwynion presennol a fydd yn rhesymol yn ei gwneud yn ofynnol i ni gadw eich gwybodaeth, neu am resymau rheoleiddiol neu dechnegol.

Beth fydd yn digwydd os na fyddaf yn darparu fy ngwybodaeth i Hunanadeiladu Cymru?

Er mwyn i ni ystyried eich cais, mae gwybodaeth benodol y mae'n rhaid i chi ei darparu i ni. Os na fyddwch yn darparu’r holl fanylion y gofynnwn amdanynt ar y ffurflenni cais, ni fyddwn yn gallu asesu eich cais a gallai olygu na fyddwch yn gallu cyrchu ein buddsoddiadau.

2. Defnyddio eich gwybodaeth bersonol i ymateb i'ch ymholiad

Pam fod angen i Hunanadeiladu Cymru ddefnyddio fy ngwybodaeth bersonol?

Os byddwch yn cysylltu â ni am ragor o wybodaeth am fenthyciad, neu os byddwch yn gwneud ymholiad cyffredinol, bydd angen i ni brosesu eich gwybodaeth bersonol i ymateb i chi.

Pa wybodaeth sydd angen i mi ei darparu i Hunanadeiladu Cymru?

Bydd hynny'n dibynnu ar natur eich ymholiad. Mae’r dudalen Cysylltu â Ni ar ein gwefan yn nodi’r wybodaeth leiaf y bydd ei hangen arnom amdanoch er mwyn ymateb i’ch ymholiad.  Gallwch hefyd gysylltu â ni drwy anfon eich ymholiad i'r cyfeiriad e-bost canlynol: [email protected]. 

Fel rhan o’r gweithgareddau a restrir uchod, efallai y byddwn yn rhannu eich gwybodaeth â thrydydd partïon megis awdurdodau lleol, adeiladwyr, cynghorwyr ariannol annibynnol, penseiri, priswyr, cynghorwyr morgeisi, datblygwyr, landlordiaid, tirfeddianwyr preifat, cyflogwyr cymdeithasau tai a chyfreithwyr.

Beth mae Hunanadeiladu Cymru yn ei wneud gyda fy ngwybodaeth?

Byddwn yn defnyddio'r wybodaeth i ymateb i'ch ymholiad ac, os ydych yn cytuno, i gysylltu â chi eto i roi gwybodaeth i chi am ein cynnyrch a'n gwasanaethau (gweler rhan 3 isod).

Beth yw'r sail gyfreithiol dros ddefnyddio fy ngwybodaeth?

O dan gyfraith diogelu data, rhaid i ni gael sail gyfreithiol ddilys ar gyfer casglu a defnyddio eich gwybodaeth bersonol.

Pan fyddwch yn cysylltu â ni am ragor o wybodaeth am ein cynnyrch neu wasanaethau, credwn fod gennym ddiddordeb cyfreithlon mewn gallu ymateb yn llawn i'ch ymholiad. Caniateir i ni ddefnyddio eich gwybodaeth bersonol lle bo hynny’n angenrheidiol ar gyfer ein buddiannau cyfreithlon, ar yr amod nad yw ein buddiannau yn cael eu diystyru gan eich buddiannau chi. Yn yr achos hwn, credwn fod defnyddio eich data personol i ymateb i’ch ymholiad er eich lles chi a ni.

Am ba mor hir mae Hunanadeiladu Cymru yn cadw fy ngwybodaeth?

Byddwn yn cadw eich gwybodaeth bersonol am yr amser y mae'n ei gymryd i ymdrin â'ch ymholiad. Gall hyn gynnwys unrhyw ohebiaeth sydd gennych gyda ni drwy e-bost neu drwy'r ffurflen 'Cysylltwch â Ni' ar ein gwefan.

Fel arfer byddwn yn dileu eich gwybodaeth bersonol ar ôl 24 mis, oni bai yr hoffech i ni gadw eich manylion cyswllt i roi gwybod i chi am ein cynnyrch a'n gwasanaethau (gweler adran 3, isod).

Os bydd angen i ni gadw eich gwybodaeth bersonol am gyfnod hwy na’r hyn a nodir, byddwn yn gwneud hynny naill ai i gadw at y gyfraith, os oes hawliadau neu gwynion presennol a fydd yn rhesymol yn ei gwneud yn ofynnol i ni gadw eich gwybodaeth, neu am resymau rheoliadol neu dechnegol.

Beth fydd yn digwydd os na fyddaf yn darparu fy ngwybodaeth i Hunanadeiladu Cymru?

Nid oes angen i chi roi eich gwybodaeth bersonol i ni. Fodd bynnag, os na fyddwch yn darparu digon o wybodaeth, efallai na fyddwn yn gallu ymateb yn gywir i'ch ymholiad. Os byddwch yn cysylltu â ni drwy ein gwefan, gofynnwn i chi ddarparu gwybodaeth orfodol benodol fel y gallwn ymdrin â'ch ymholiad.

3. Defnyddio eich gwybodaeth bersonol i roi gwybod i chi am ein cynnyrch a'n gwasanaethau

Pam fod angen i Hunanadeiladu Cymru ddefnyddio fy ngwybodaeth bersonol?

Os hoffech gael gwybod am ein hamrywiaeth o gynhyrchion a gwasanaethau buddsoddi, byddwn yn defnyddio eich gwybodaeth bersonol i anfon cyfathrebiadau marchnata uniongyrchol atoch (fel e-byst). Dim ond os ydych wedi cytuno i ni ddefnyddio eich gwybodaeth bersonol at y diben hwn y byddwn yn gwneud hyn.

Pa wybodaeth sydd angen i mi ei darparu i Hunanadeiladu Cymru?

Gallwch roi eich enw a’ch manylion cyswllt i ni drwy ein tudalen cysylltu â ni, ffurflen gais plot, ffurflen gofrestru neu ffurflen mynegi diddordeb, sydd i’w gweld ar y wefan hon.

Beth mae Hunanadeiladu Cymru yn ei wneud gyda fy ngwybodaeth?

Byddwn yn defnyddio'ch manylion cyswllt i roi gwybodaeth i chi am ein cynnyrch a'n gwasanaethau.

Beth yw'r sail gyfreithiol dros ddefnyddio fy ngwybodaeth?

O dan gyfraith diogelu data, rhaid i ni gael sail gyfreithiol ddilys ar gyfer casglu a defnyddio eich gwybodaeth bersonol. Pan fyddwn yn defnyddio’ch gwybodaeth at ddibenion marchnata, mae’r seiliau cyfreithiol canlynol yn berthnasol:

• Credwn fod gennym ddiddordeb cyfreithlon mewn anfon gwybodaeth atoch am ein cynnyrch a'n gwasanaethau. Caniateir i ni ddefnyddio eich gwybodaeth bersonol lle bo hynny’n angenrheidiol ar gyfer ein buddiannau cyfreithlon, ar yr amod nad yw ein buddiannau yn cael eu diystyru gan eich buddiannau chi. Yn yr achos hwn, credwn fod dweud wrthych am ein cynnyrch a'n gwasanaethau o fudd i chi ac i ni. Byddwn bob amser yn rhoi'r cyfle i chi optio allan o dderbyn y cyfathrebiadau hyn.
• Mewn rhai amgylchiadau byddwn yn gofyn am eich caniatâd cyn i ni anfon gwybodaeth atoch am ein cynnyrch a'n gwasanaethau.

Am ba mor hir mae Hunanadeiladu Cymru yn cadw fy ngwybodaeth?

Byddwn yn cadw eich gwybodaeth hyd nes y byddwch yn dewis peidio â derbyn cyfathrebiadau marchnata gennym ni mwyach.

Mae gennym gyfnod cadw o 2 flynedd mewn perthynas â gohebiaeth e-bost. Os bydd angen i ni gadw eich e-byst am gyfnod hwy na’r hyn a nodir, byddwn yn gwneud hynny naill ai i gadw at y gyfraith, os oes hawliadau neu gwynion presennol a fydd yn rhesymol yn ei gwneud yn ofynnol i ni gadw eich gwybodaeth, neu am resymau rheoleiddiol neu dechnegol.

Beth fydd yn digwydd os na fyddaf yn darparu fy ngwybodaeth i Hunanadeiladu Cymru?

Os nad ydych yn dymuno derbyn gwybodaeth gennym, rhowch wybod i ni. Mae gennych hawl i optio allan unrhyw bryd drwy anfon e-bost atom yn  [email protected] neu glicio ar yr opsiwn ‘dad-danysgrifio’ yn unrhyw un o’n e-byst marchnata.

4. Defnyddio eich gwybodaeth bersonol mewn cysylltiad â gwasanaethau rydych yn eu darparu i Hunanadeiladu Cymru

Pam fod angen i Hunanadeiladu Cymru ddefnyddio fy ngwybodaeth bersonol?

Os ydych yn darparu gwasanaethau i Hunanadeiladu Cymru, bydd angen i chi roi gwybodaeth i ni amdanoch chi. Mae hyn er mwyn i ni allu penderfynu ai chi yw'r person cywir i ddarparu'r gwasanaeth gofynnol. Byddwn yn parhau i ddefnyddio'ch gwybodaeth fel rhan o'n rheolaeth barhaus o'r gwasanaeth a ddarperir gennych.

Pa wybodaeth sydd angen i mi ei darparu i Hunanadeiladu Cymru?

Mae arnom angen gwybodaeth fel eich enw llawn, cyfeiriad a manylion cyswllt, gan gynnwys cyfeiriad e-bost a rhif ffôn.

Beth mae Hunanadeiladu Cymru yn ei wneud gyda fy ngwybodaeth?

Pan fyddwch yn darparu eich gwybodaeth i ni, byddwn yn ei defnyddio i asesu eich addasrwydd ar gyfer y gwasanaeth. Yna byddwn yn defnyddio eich gwybodaeth i reoli ein perthynas barhaus tra byddwch yn darparu’r gwasanaeth a byddwn yn rhannu’r wybodaeth honno â thrydydd partïon yn ôl yr angen.

Rydych yn cydnabod ac yn cytuno y gall eich data personol gael ei brosesu y tu allan i’r AEE. Byddwn yn cymryd rhagofalon (yn unol â chanllawiau perthnasol gan gyrff rheoleiddio) i sicrhau y bydd unrhyw drosglwyddiad o’ch data y tu allan i’r AEE yn destun mesurau diogelu sy’n diogelu eich hawliau preifatrwydd, a bydd eich data’n cael ei gadw’n ddiogel bob amser.

Beth yw'r sail gyfreithiol dros ddefnyddio fy ngwybodaeth?

O dan gyfraith diogelu data, rhaid i ni gael sail gyfreithiol ddilys ar gyfer casglu a defnyddio eich gwybodaeth bersonol. Pan fyddwch yn gwneud cais i ddarparu gwasanaeth i ni, gall y seiliau cyfreithiol canlynol fod yn berthnasol:

• Lle mae eich gwybodaeth yn cael ei darparu i ni mewn cysylltiad â gwasanaeth yr ydych yn ei ddarparu i ni. Caniateir i ni ddefnyddio eich gwybodaeth bersonol i gyflawni’r contract hwnnw.
• Caniateir i ni ddefnyddio eich gwybodaeth bersonol lle mae’n angenrheidiol i ni gydymffurfio â’n rhwymedigaethau cyfreithiol.
• Credwn y dylid cynnal gwiriadau priodol ar ddarpar ddarparwyr gwasanaeth, ac yna monitro perfformiad darparwyr gwasanaeth yn ystod tymor ein perthynas, er ein budd cyfreithlon fel benthyciwr cyfrifol. Caniateir i ni ddefnyddio eich gwybodaeth bersonol lle bo hynny’n angenrheidiol ar gyfer ein buddiannau cyfreithlon, ar yr amod nad yw ein buddiannau ni yn cael eu diystyru gan eich buddiannau chi.

Am ba mor hir mae Hunanadeiladu Cymru yn cadw fy ngwybodaeth?

Byddwn yn cadw eich gwybodaeth bersonol am o leiaf hyd eich contract gyda ni, ac wedi hynny am gyfnod o 7 mlynedd. Mae hyn er mwyn sicrhau bod gennym gofnod llawn o'r contract rhyngom, os bydd unrhyw anghydfod ynghylch y contract.

Mae’n bosibl y byddwn yn cadw’ch gwybodaeth am gyfnod hwy pan fo’n angenrheidiol i gydymffurfio â’n rhwymedigaethau cyfreithiol, i arfer hawliau cyfreithiol neu i amddiffyn hawliadau cyfreithiol.

Mae gennym gyfnod cadw o 2 flynedd mewn perthynas â gohebiaeth e-bost. Os bydd angen i ni gadw eich e-byst am gyfnod hwy na’r hyn a nodir, byddwn yn gwneud hynny naill ai i gadw at y gyfraith, os oes hawliadau neu gwynion presennol a fydd yn rhesymol yn ei gwneud yn ofynnol i ni gadw eich gwybodaeth, neu am resymau rheoleiddiol neu dechnegol.

Beth fydd yn digwydd os na fyddaf yn darparu fy ngwybodaeth i Hunanadeiladu Cymru?

Nid oes rhaid i chi ddarparu unrhyw wybodaeth i ni. Fodd bynnag, os na fyddwch yn darparu'r manylion y gofynnwn amdanynt, ni fyddwn yn gallu defnyddio'ch gwasanaethau.

Eich Hawliau Diogelu Data

Bydd y wybodaeth bersonol a roddwch i ni yn cael ei chadw yn unol â’n cyfrifoldebau dan ddeddfwriaeth diogelu data. Mae hyn yn cynnwys Rheoliad Diogelu Data Cyffredinol y DU a Deddf Diogelu Data 2018. Mae’r cyfreithiau hyn yn cynnwys hawliau penodol i chi, gan gynnwys:

• Yr hawl i gael mynediad – Mae gennych hawl i ofyn am gopïau o’ch data personol (gelwir hyn hefyd yn gais gwrthrych am wybodaeth).
• Yr hawl i gywiro – Mae gennych hawl i ofyn i ni gywiro unrhyw wybodaeth y credwch ei bod yn anghywir. Mae gennych hefyd yr hawl i ofyn i ni gwblhau gwybodaeth y credwch ei bod yn anghyflawn.
• Yr hawl i ddileu – Mae gennych hawl i ofyn i ni ddileu eich data personol, o dan amodau penodol.
• Yr hawl i gyfyngu ar brosesu – Mae gennych hawl i ofyn i ni gyfyngu ar brosesu eich data personol, o dan amodau penodol
• Yr hawl i wrthwynebu prosesu – Mae gennych yr hawl i wrthwynebu i ni brosesu eich data personol, o dan amodau penodol.
• Yr hawl i gludadwyedd data – Mae gennych hawl i ofyn i ni drosglwyddo’r data rydym wedi’i gasglu i sefydliad arall, neu’n uniongyrchol atoch chi, o dan amodau penodol.
• Yr hawl i gwyno i’r rheolydd - Swyddfa’r Comisiynydd Gwybodaeth, os ydych yn anhapus ynghylch sut mae eich data personol yn cael ei ddefnyddio. Gellir cysylltu â'r ICO yn www.ico.org.uk. 
• Eich hawliau mewn perthynas â gwneud penderfyniadau awtomataidd – Mae gennych yr hawl i wrthwynebu i’ch gwybodaeth bersonol gael ei defnyddio ar gyfer unrhyw benderfyniadau awtomataidd, gan gynnwys proffilio.

Os hoffech arfer unrhyw un o’r hawliau a nodir uchod, anfonwch e-bost atom yn [email protected] neu ysgrifennwch atom yn:

SWYDDOG DIOGELU DATA

Banc Datblygu Cymru

1 Chwarter y Brifddinas / Capital Quarter,

Stryd Tyndall

Caerdydd

CF10 4BZ

Sut i Godi Pryder neu Wneud Cwyn

I Fanc Datblygu Cymru:

Os oes gennych unrhyw bryderon neu gwynion am ein defnydd o’ch gwybodaeth bersonol, byddem yn gwerthfawrogi’r cyfle i ddatrys eich mater yn y lle cyntaf. Gallwch wneud cwyn i ni yn [email protected] neu ysgrifennu atom yn yr un cyfeiriad ag uchod.

I Swyddfa’r Comisiynydd Gwybodaeth (ICO):

Os ydych chi’n anhapus â sut rydym wedi defnyddio’ch gwybodaeth bersonol, neu wedi delio â’ch pryder neu gŵyn, gallwch hefyd gwyno i reoleiddiwr diogelu data’r DU, yr ICO. Gellir cysylltu â'r ICO yn www.ico.org.uk neu dros y ffôn ar 0303 123 1113.